Ако беа МЕПСО и ЕЛЕМ во домаќински раце, тогаш немаше да дојде сигурно до вакви поскапувања, рече Јани Макрадули на денешната прес конференција.
„Ова што доаѓа денеска е исклучиво заради непродуктивното трошење од страна на државните компании ЕЛЕМ и МЕПСО. Ако сакаме да бидеме до крај отворени ќе кажеме дека последното поскапување на цената на електрична енергија е исклучиво само по барање на ЕЛЕМ. Зошто? Заради зголемениот интервентен увоз на електрична енергија, односно намаленото домашно производство”, рече Макрадули, потсетувајќи дека тоа било констатирано и во Извештајот на Европската комисија.
Според него, дуплирањето на цената на струјата во изминативе шест години е производ на недостатокот на инвестиции во енергетиката.