Македонски железници – Транспорт АД со директен ангажман на вработените, како и со опрема и превозни средства, активно се вклучи во процесот на санација на штетите предизвикани од поплавите.
Управниот одбор на Македонски железници – Транспорт АД донесе одлука за донација на храна, вода и хигиенски препарати кои денеска беа доставени до загрозените подрачја во околината на Скопје и изрази длабоко сочувство до семејствата и граѓаните зафатени од неодамнешните поплави.
Вработените и опремата, информираат од компанија, и натаму ќе останат на терен заедно со сите луѓе кои се вклучени во оваа акција, се до целосно санирање на штетите во загрозените подрачја.