На граничниот премин „Божај“ на излез од Црна Гора, уапсен е македонски државјанин под сомнение за обид за шверц на пари во износ од приближно 40.000 евра.
„Вчера, на граничниот премин „Божај“ на излез од Црна Гора, Ф.П. (34), државјанин на Република Македонија, се приближил до граничната контрола, управувајќи „голф“. Детални гранични контроли биле извршени на втората линија на граничните проверки, кога полициските и царинските службеници, по прегледот на внатрешноста на возилото, пронашле 39.950 евра во различни апоени во делови од седиштето“, потврди полицијата.
За настанот бил известен државниот обвинител во Основното државно обвинителство во Подгорица, а по чија наредба, по собирањето информации и преземањето мерки и дејствија, Ф.П. бил лишен од слобода под сомнение за сторено кривично дело перење пари.
Осомничениот денес ќе биде приведен во обвинителството во Подгорица за понатамошна надлежност и дејствие, заедно со кривична пријава.
