На 23-та средба на мешовитата комисија за историски прашања во Софија по два дена дискусија не е донесено решение по однос на толкувањето на историските факти, туку само се разменети забелешки за подобрување на учебниците по историја.
„Вчера и денес се одржа 23 средба на Комисијата на која се дискутираа прашањата за учебниците по историја во двете држави врз основа на меѓусебно разменетите забелешки. Членовите на Комисијата разменија идеи и аргументи како да се подобрат учебниците по историја и разменија неколку предлог-препораки кои остануваат основа за понатамошни разговори“, соопштија од МНР.
Следната редовна средба на Комисијата ќе се одржи на 30 и 31 март 2023 година.
Последниот состанок на комисијата беше на 17 и 18 ноември, исто така во Софија. Главна тема беше улогата и местото на Охридската архиепископија и начинот на кој таа е претставена во учебниците за VII одделение во Република Северна Македонија.
Копретседателот од македонскиот дел на комисијата Драги Ѓоргиев, тогаш изјави дека на средбата имало позитивна и конструктивна атмосфера, меѓутоа договор не бил постигнат поради недоразбирања околу изворите и различното толкување на минатото.
Заедничката мултидисциплинарна експертска комисија за историски и образовни прашања беше формирана како резултат на Договорот за пријателство, добрососедство и соработка меѓу Република Северна Македонија и Република, потпишан на 1 август 2017 година.