Граѓаните на Република Македонија во четврток го слават празникот 11 Октомври – Ден на народното востание.
По тој повод, владини делегации ќе положат цвеќе на спомениците и паметниците на народните херои.
Делегација на Владата на Република Македонија, во состав Владимир Пешевски, заменик на претседателот на Владата задолжен за економски прашања, Ваљон Сараќини, министер за економија и Билјана Бришкоска Бошковски, заменик министер за правда ќе положи цвеќе на Партизанските гробишта во Бутел и на гробот на генерал Михајло Апостолски.
Друга владина делегација во состав Блерим Беџети, министер за правда, Никола Тодоров, министер за здравство и Драган Недељковиќ, заменик министер за култура ќе положи цвеќе на споменикот на Методија Андонов-Ченто на плоштадот „Македонија” во Скопје.
Цвеќе пред споменикот на Методија Андонов-Ченто, Могилата на непобедените и на Алејата на народните херои во Прилеп, ќе положи владина делегација во состав Миле Јанакиески, министер за транспорт и врски, Зоран Коњановски, заменик министер за земјоделство, шумарство и водостопанство и Сафет Незири, заменик министер за образование и наука.
Делегација на Владата, во состав Панче Кралев, министер за образование и наука, Ибрахим Ибрахими, заменик министер за труд и социјална политика и Јовица Андовски, заменик министер за здравство ќе положи цвеќе кај Спомен-костурницата во Куманово.
Градоначалникот на Град Скопје, Коце Трајановски и официјална делегација на Град Скопје, ќе положи цвеќе пред споменикот на паднатите борци на Градските гробишта во Бутел. Цвеќе ќе биде положено и на гробот на генерал Михајло Апостолски во Бутел.
Настанот ќе го одбележат и повеќе други здруженија, невладини организации, граѓани.