„Кризниот штаб против промена на Уставот, распуштање на Собранието и распишување на избори „Македонија-Блокира“, синоќа во рамките на народниот собир во Скопје пред домот на пратеничката Елизабета Канчевска Милевска требаше лично да и предаде и писмо на Канчевска-Милевска зошто не треба да гласа за уставните промени.
На општо изненадување, пред домот на Канчевска – Милевска не пречека кордон од полиција а пратеничката не се појави да го поздрави насобраниот народ што не е во духот на македонската традиција за добро домаќинско однесување со што покажува дека веќе тргнала по патот на либералните ЕУ и НАТО вредности. Дотолку повеќе, при средбите на „Македонија-Блокира„ со останатите пратеници добивавме и покани за разговори со домашна ракија, кафе и благо во нивните домови. Од тие прични „Македонија-Блокира„ синоќа не го предаде лично писмото на Канчевска Милевска зошто не треба да гласа во Собранието, заради што, писмото беше прочитано на народниот собир.
„Македонија-Блокира„ и македонскиот народ изразува големо разочарување од однесувањето на Канчевска – Милевска која покажува дека е личност со изгубено национално чувство“, се вели во соопштението на „Македонија-Блокира“.