Единствена Македонија: Потребно е вештачење и дијагноза за психичката состојба на Џафери и заразените пратеници со скафандери

Од:

„Вчерашното симптоматично однесување на Талат Џафери и заразени пратеници со скафандери во Собранието отвора сомнеж дека постојат случаи кои влијаат врз нивната душевна состојба. Кога некои лице се под ваква состојба, да не речеме стресна, тоа е опасно за народот и државата, бидејќи се работи за претседател на собрание и пратеници – членови во највисокиот законодавен орган во државата“, велат од Единствена Македонија.

„Да потсетиме, здравствените власти цело време со казни и апели повикуваат во интерес на здравјето да се седи дома а заразените од Ковид-19 задолжително се ставаат во домашна или болничка изолација. Спротивно на ова, вчера слушаме дека заразени од КОВИД-19 не мора да седат дома во изолација и можат слободно да се шетаат до и внатре во Собранието заради кворум.

Оттука, основано се појавува сомнежот дека кај Џафери и заразените пратеници постојат случаи кои влијаат врз психичката состојба и размислувањето да не може да ги сфатат дејствијата кои ги преземаат. Поточно, не може да распознаат што е интерес на граѓаните, бидејќи гледаме различно однесување за иста работа и притоа и во двата случаи се вели дека е во интерес на граѓаните“, соопштуваат Единствена Македонија.

„Единствена Македонија смета дека е време за поведување на постапка за испитување на постоење на психички околности поради кои Џафери и заразени пратеници не може да го сфатат значењето на интересот на граѓаните што може да влијае на нивната спреченост да ја вршат функцијата.

Потребно е вештачење и дијагноза за Џафери и пратениците. Во спротивно, целата одговорност за непресметливите потези на Џафери и заразени пратеници во Собранието во иднина паѓа на марионетската власт во Скопје“, се додава во соопштението на Единствена Македонија.

Би можело да ве интересира

Иљире Даути координаторка на пратеничката група на Алијансата за Албанците

Ана Ололовска

Алтернатива добива три министерски места меѓу кои и Здравство, за влезот во Владата и следуваат и повеќе директорски места

Катерина Павлова-Николовска

Алтернатива влегува во Владата, парламентарното мнозинство се зголеми за четири пратеници

Кристијан Ландов

Продолжува амандманската расправа за Предлог буџетот

Џафери: За спротивставување на дезинформациите и говорот на омраза треба промовирање на култура на толеранција и инклузија

Ана Ололовска

Османи: Мнозинство има, очекуваме преку разговорите да се зголеми дополнително

Ана Ололовска