Македонија се наоѓа на 5-то место во светот според висината на стапката на пушење цигари.
Речиси една половина од македонските мажи и една четвртина од жените во Македонија се зависници од цигарите, покажува истражувањето на Институтот за метрички и здравствени пресметки за 2012-та година.
Резултатите ги рангираат македонските мажи на 9-тата позиција во светски рамки, односно дека речиси 46 насто од посилниот пол се пушачи.
Жените се застапени со речиси дупло помал процент, односно околу 27 насто.
Највисока стапка на зависници од цигари има во Ист Тимор, каде две третини уживаат во консумирањето на овој порок.
По Ист Тимор следуваат Тонга, Бугарија, Папуа Нова Гвинеја и Македонија.
На глобално ниво, процентот на луѓе кои пушат секој ден – значително е зголемен, а бројот на пушачи во светот оди во нагорна линија, како резултат на зголемената популација на населението.
Бројот на испушени цигари на светско ниво „скокна“ на повеќе од 6 трилиони. Во 75 држави, пушачите конзумираат просечно повеќе од 20 цигари на ден, се вели во истражувањето.
Петар Клинчарски