Македонските граѓани кои ќе отпатуваат во Бугарија ќе мора да престојуваат во задолжителен 14-дневен карантин, ова е новото правило кое го соопшти тамошниот министер за здравство Кирил Ананиев, пренесуваат бугарските медиуми.
Новите промени за кои одлучија бугарските власти, налагаат дека граѓаните кои доаѓаат од Босна и Херцеговина, и Црна Гора повеќе не мораат да бидат во двонеделен карантин.
Во Бугарија денеска се регистрирани 25 нови случаи на Ковид-19.
Патниците кои доаѓаат од Македонија, воопшто нема да смеат да влезат во Црна Гора, затоа што се наоѓаме на листата земји каде стапката на активни случаи е поголема од 25 на 100.000 жители.
Минатата недела бевме тргнати од листата на земји на кои им е забранет влез, за брзо потоа да бидеме вратени, со порастот на новозаболени од Ковид-19 кој се случува деновиве.
Црна Гора пред два дена прогласи крај на епидемијата на коронавирусот.