Премиерот Зоран Заев на денешната прес-конференција рече дека ќе направи уште еден обид да го убеди претседателот на ВМРО-ДПМНЕ, Христијан Мицкоски да дојде на лидерската средба закажана за в петок.
„Ние не мора да се договориме за сите овие прашања, но ред е да разговараме , тоа е наша обврска. Лидерската средба останува. Таму има уште двајца лидери, се надевам дека ќе дојде и Мицкоски. Немам намера дека ќе исполнувам желби за предвремени избори иако знам дека ќе победам. Дајте прво да разговараме за изборниот законик, па потоа за избори, одговори Заев за ставот на Мицкоски дека не сака да дојде на лидерска без да разговараат за предвремени избори.
Тој му порача на Мицкоски дека сите прашања се важни – за пописот, за СЈО како и за Изборниот законик, па ако сака да разговара за предвремени парламентарни избори редно е според Заев прво да разговараат за измени на Изборниот законик.
Лидерската средба е закажана за в петок, а присутни според најавите заедно со Заев ќе бидат лидерот на ДУИ, Али Ахмети и на Алијансата за Албанците, Зијадин Села..