Левица: ЕВН легално ги краде граѓаните преку сметките за струја

Од:

Додека граѓаните мака мачат да врзат крај со крај, ЕВН продолжува да испорачува неточни, често енормно зголемени сметки за електрична енергија, претворајќи го снабдувањето со струја во легализирана кражба! Наместо корекција на грешките и заштита на граѓаните, Владата и покрај измисленото Министерство за енергетика, останува глува и немо набљудува како народот ја плаќа оваа неправда. Не преземањето чекори за спротивставување на оваа кражба, партиите на власт ги прави соучесници во процесот, велат од Левица.

Регулаторната комисија за енергетика (РКЕ) призна дека има масовни грешки во сметките, но тоа не е доволно! Каде е казната за ЕВН? Каде е одговорноста за изиграниот народ? Наместо ефикасен надзор и заштита, власта дозволува монополската компанија без последици да ги извлекува последните денари од џебовите на граѓаните. Наместо конкретен план и програма за надминување на оваа состојба, министерката за енергетика се слика за лична промоција со финансиерите на нејзината партија.

Дополнително, срамно е што им се препорачува на граѓаните сами да ги отчитуваат броилата за да избегнат кражба! Тоа е признание дека системот не функционира, додека на ЕВН намерно му се дозволува да прави манипулации! Народот не смее да биде принуден да се брани сам од организираниот грабеж, државата е таа што треба да го заштити!

Левица бара итни мерки:

– Строга контрола и казни за ЕВН за секоја грешка во сметките;
– Автоматски поврат на неправедно наплатените средства со камата;
– Одземање на лиценцата на ЕВН ако продолжи со системското поткрадување;
– Политичка одговорност за институциите што го штитат овој енергетски рекет;
– Веднаш да се постави еталон за броилата за потрошена електрична енергија во Бирото за метрологија, наведуваат од Левица.

Би можело да ве интересира

ЛДП со поддршка за измените на Изборниот законик и заштита на правото на кандидирање на независни листи

Павле Трајанов: Ќе го доставиме предлог законот за една изборна единица до парламентот

Левица: „Белата палата” со притисоци за создавање на партиски синдикати во претпријатијата

Притисоци, закани, полиција..Какво општество и луѓе можат да одземаат четиригодишно дете од мајка?

Предраг Петровиќ

Левица: Противзаконски и неделовнички Ласовска од ДПМНЕ го саботираше Законот за бранители

Левица: Пратениците на ВМРО-ДПМНЕ, ЗНАМ, ВРЕДИ и ДУИ ја задолжија Македонија за шест милијарди евра