Лекарска комора побара да му се одземе привремено лиценцата на анестезиологот што снимаше

Од:

Лекарската комора донесе едногласна одлука за постапка пред судот на честа во Лекарската комора во која се бара привремено одземање на лиценцата на анестезиологот Ваљон Дервиши од тетовската Клиничка болница кој на социјалната мрежа „тик-ток“ објави снимки од пациенти и медицински персонал.

– Лекарска комора изразува жалење за состојбата во која се доведени пациентите. Се извинувам во име на целата фела да им се извинам на тие пациенти кои лежеле беспомошно во болница. Она што е законски дозволено е одземање привремено на лиценца на максимални седум години ако нема судска пресудa – рече претседателката на Комората, д-р Калина Гривчева Старделова.

На 43-годишниот лекар му е определена мерка притвор од осум дена, а министерот за здравство Фатмир Меџити побара одземање на лиценцата за работа.

Случајот во полиција го пријави директорот на болницата Плумб Вела. Тој во саботата одржа заедничка прес-конференција со министерот за здравство на која информираа дека лекарот е суспендиран од работа.

– Тоа се случило на одделението за киретажа каде тој работел како анестезиолог. Додека јас бев во Скопје видеото ми го прати еден новинар. Штом го видов видеото веднаш дојдов во Тетово и јас лично, како директор на болницата, случајот го пријавив во полицијата, бидејќи станува збор за сериозна работа, изјави Вела на саботата.

Би можело да ве интересира

Демири го разреши директорот Шокаровски поради висока смртност на Кардиохирургија

Анита Петровска Рајковиќ

Вработените во здравството ќе протестираат на 8 април, нема да добијат усогласување со минималната плата

Протест на лекарите специјализанти, во тек состанок со претставници на Министерството за здравство

Лекарска Комора: Неопходно е докторите да се чуствуваат безбедно за да може да лекуваат

Орце Костов

Младите лекари се жалат: Сите положивме, а само неколкумина повикаа на платена пракса

Орце Костов

Нападнат лекар во Радовиш, настанот го осуди и Лекарската комора