Кузеска: СДСМ најостро го осудува нападот, владата да престане да ја заштитува мафијата

Од:

Социјалдемократскиот сојуз на Македонија, најостро го осудува нападот врз официјални лица од Градот Скопје.

Овој брутален напад е последица на атмосферата на страв и беззаконие што ја создава оваа власт.

Овој напад е уште еден доказ дека кога се зборува за криминал, кога се откриваат злоупотреби, институциите не ве штитат — туку ве оставаат на милост и немилост на насилниците.

Со недели наназад, јавноста гледаше како во Скопје се откриваат скандали, дивоградби, приклучоци, милионски малверзации, но наместо истрагите да завршат со расчистување на криминалот, завршија со закани. Наместо институциите да ги казнат криминалците, молчеа. Наместо полицијата да ги заштити граѓаните и правото — дозволи ова да се случи.

Ваквиот напад е срам за државата и порака до сите граѓани дека ако зборуваат за криминал и неправда, ќе бидат замолчени со сила.

Бараме од Министерството за внатрешни работи и од обвинителството да постапат веднаш и да ја преземат целата одговорност за неделувањето со кое го овозможија овој напад. Да се расчисти до крај, а насилниците да бидат изведени пред правдата без одлагање.

СДСМ најостро го осудува овој напад и повторуваме, Владата мора да престане да ги штити криминалците и да почне да ја штити правдата.

Државата не смее да биде заложник на мафијата и на оние што со закани и со сила се пресметуваат со секој кој се обидува да открие криминал, рече на прес конференција портпаролката на СДСЈ, Богданка Кузеска.

Би можело да ве интересира

Земјотрес на подрачјето Тетово – Гостивар со интензитет од три степени

Предраг Петровиќ

ВРЕДИ за скандирањата: Институциите функционираат, за разлика од времето на ДУИ кога вакви случаи се прикриваа без никаква одговорност

Матните времиња во енергетскиот сектор завршија со заминувањето на СДС и ДУИ во опозиција, велат од ВМРО-ДПМНЕ

(ВИДЕО) Јанковиќ: Матни зделки во енергетиката, зошто ВМРО-ДПМНЕ молчи дали Алказар има одобрение за градба?

ВМРО-ДПМНЕ: Ги градиме темелите на промените, доаѓа времето на Македонија

Државна делегација предводена од потпретседателката на Собранието, Весна Бендевска во манастирот Прохор Пчински