Кумановските наставници онлјан наставата да ја изведуваат од дома, препорача Кризниот штаб

Од:

Кризниот штаб од Куманово денеска им препорача на директорите на основните и средните училишта, согласно нивните ингеренции, да го редуцираат физичкото присуство на наставниот кадар, кој спроведува онлајн настава. Се предлага, наставниците од дома да ја спроведуваат наставата за да се намалат физичките контакти меѓу вработените во училиштата.

Од Кризниот штаб од денешниот 53-ти состанок уште еднаш апелираа до граѓаните доследно и строго да се придржуваат кон мерките донесени од Владата, Министерството за здравство и Комисијата за заразни болести.

– Општинскиот штаб за заштита и спасување дава препорака до раководните лица на сите основни и средни општински училишта, во согласност со нивните овластувања, да го редуцираат физичкото присуство на наставниот кадар во училиштата, кој реализира онлајн настава, истата да ја реализира од дома, со цел да се намалат физичките контакти помеѓу вработените во училиштата. Апелираме до граѓаните да ги почитуваат сите мерки и препораки од Влада на Република Северна Македонија, поточно, социјална дистанца од два метри, носење на заштитни маски, како и да нема групирање на отворено, како и во затворени простории, се наведува во соопштението на Штабот.

Кризниот штаб, додаваат оттаму, редовно ќе ја следи состојбата и навремено ќе реагира. На состанокот во општината присуствуваа претставници од Општинскиот штаб, од надлежните институции, организации, јавни претпријатија…

Би можело да ве интересира

Кандидатката за градоначалник на Куманово од „Искуство за успех“ вети три клучни проекти за развој на Куманово

Стоиљковиќ: „Братска листа“ во Куманово ја сочинуваат луѓе со интегритет, познати лица и професионалци

Шаини: Лага е дека мојата сопруга сака да ме убие

Горан Наумовски

Уапсена е сопругата на докторот кој вчера беше застрелан во Куманово, напаѓачот е во бегство

А1он

Докторот Шаини кој вчера беше ранет во центарот на Куманово е пуштен на домашно лекување

СДСМ бара оставка од Тошковски, вооружените инциденти покажуваат распад на безбедносниот систем

Горан Наумовски