На Градскиот плоштад во Куманово денес се одржа вежба за прва помош, односно акција која е во рамките на кампањата „Поголема безбедност во сообраќајот“.
Имено во текот на вежбата, полицијата запираше возачи, а истите покажуваа дали и колку се запознаени со прва помош, во случај на сообраќајна незгода.
-Целта на акцијата е јакнење на свеста кај возачите за почитување на сообраќајни правила и прописи, особено почитување на деца како учесници во сообраќајот за да во иднина немаме деца-жртви во сообраќајот. Но доколку дојде до сообраќајна незгода истата не треба да се одмине, туку да се укаже правилна прва помош-изјави Виолета Богдановска, раководел на отсек за первенција во СВР Куманово.
Акцијата за прва помош ја организираше Црвен крст и СВР Куманово.
Елена Георгиевска
