Во Куманово за христијанскиот празник Божик се организираат повеќе манифестации.
Здружението на граѓани „Коледари, почитувачи на традицијата“, оваа година по 13-ти пат организирано ќе го прослават Бадник на градскиот плоштад и во црквата Св.Никола.
– Годинава, дабовите гранчиња веќе се набрани во атарот на Орашац. Утре, за граѓаните организираме автобуски превоз до селото Орашац каде свештеници од кумановската епархија ќе ги осветат дабовите гранчиња, вели Киро Соларски од Здружението „Коледари“.
На шести на градскиот плоштад ќе бидат поделени осветени бадникови гранчиња, а на кумановци ќе им биде поделено овошје, ракија, вино и чај.
