Дваесет и тригодишниот Александар Велјановски годинава е најсреќниот прилечанец. Тој од водите на базенот во хотелот „Сонце“ во Прилеп денеска напладне го вати светиот крст меѓу рекордните 74 учеснции. Велјановски си посака многу среќа, радост и здравје и годинава да се вработи.
Меѓу учесниците беа и две девојки 13-годишната Ема Бошковска и 18-годишната Елена Наумовска, која веќе неколку години по ред скока по крстот на Водици.
Во хотелот „Сонце“ денеска се одржа и донаторски ручек за бизнис секторот и институциите од Прилеп кои донираа пари за доизградбата на Соборната црква „Света Петка“ во населбата Точила што се гради неколку години.