Надворешната канцеларија за криминалистички работи Прилеп поднесе кривична пријава против три лица од Прилеп осомничени за поднесување лажни докази и употреба на исправи со фалсификувани содржини.
Кривични се поднесени против Ј.Н. (42) од Прилеп поради постоење основи на сомнение за сторени кривични дела „поднесување на лажни докази“ и „употреба на исправа со невистинита содржина“, против В.П.(62) од Прилеп поради постоење основи на сомнение за сторено кривични дела „помагање“ во врска со „поднесување на лажни докази“ и „употреба на исправа со невистинита содржина“ и против В.С. (66) и С.А. (43) од Битола поради постоење основи на сомнение за сторено кривично дело „несовесно работење во службата“.
Во периодот од декември 2016 година до февруари 2017 година првопријавената во Бирото за метрологија приложила лажно уверение за престој во странска држава, со цел да ја искористи погодноста по член 24 од Законот за возила.
Исто така, првопријавената, при постапка за царинење доставила лажна изјава дека предметното возило, било надвор од Република Македонија во период од шест месеци.
Второпријавениот и покрај тоа што знаел дека првопријавената не ги исполнувала условите за користење на погодноста по член 24 од Законот за возила ја поучил како со изработка на лажни документи да ги искористи поволностите.
Трето и четвртопријавеното лице, вработени во станица за технички преглед во Битола, и покрај тоа што во барањето поднесено од страна на првопријавената немало конкретни и јасни податоци тие и издале согласност за регистрација на возилото.