СВР Скопје поднесе кривична пријава до Основното јавно обвинителство Скопје против Д.М. (20), М.К. (22), Џ.Р. (41) и малолетната А.Д. (15) поради основано сомнение дека извршиле „тешка кражба од останати објекти“ и „тешка кражба од куќа“.
Кражбата во локал во трговскиот центар „Олимпико“ ја извршиле Д.М., неговата невенчана сопруга М.К. и Џ.Р. така што со патничко возило „Рено“ дошле пред објектот и со штравцигер ја отвориле вратата и одзеле дел од компјутерската опрема. Биле забележани од обезбедувањето по што се исплашиле и украдените предмети ги оставиле на тревникот во близина на трговскиот центар.
По извршеното вештачење од страна на полицијата, приведени се Д.М. и М.К., а Џ.Р е недостапен.
Инаку, Д.М. заедно со М.К. и малолетната Д.А. и со друг помал малолетник минатата недела извршиле уште една тешка кражба во куќа на улица „Рилски конгрес“. Од домот одзеле еден лап топ компјутер, дрвена и метална кутија во која имало еден рачен часовник марка „Касио“ и бижутерија.
Разбојниците биле забележани од соседите и ја известиле полицијата по што се фатени од страна на единицата АЛФИ.
Лицата Д.М., М.К. и Џ.Р. и се познати на полицијата и по други кривични дела. СВР Скопје работи на расчистување на други дела извршени од страна на овие сторители.