На локалниот пат Свети Николе-Кнежје, вчера во 14,15 часот вработени во шумската полиција запреле товарно возило „форд транзит“со гостиварски регистерски ознаки, управувано од Ш.В.(1994) со сопатник А.Ѓ.(1986), двајцата од Велес.
При преглед во возилото биле затекнати шест лица – мигранти државјани од Сирија. Од страна на полициски службеник, двајцата се приведени во Полициската станица Свети Николе и против нив ќе биде поднесена соодветна пријава.
Поради основано сомнение за сторено кривично дело „криучарење мигранти“, вчера околу 13 часот во Полициската станица Гевгелија е приведен грчкиот државјанин К.И.(1959). Против него е поднесена кривична пријава со која е предаден на ОЈО, од чија страна му е одредена мерка притвор во траење од 8 (осум) дена.