Кривична за вработен во „Македонски шуми“ кој дозволил бесправна сеча

Од:

Полициската станица Кичево поднесе кривична пријава против Г.С. (45) од кичевското село Другово кој, како самостоен референт вработен во Јавното претпријатие „Македонски шуми“, ја злоупотребил службената положба, дозволувајќи бесправна сеча на 10 метри кубни дрва со што државата е оштетена за 70.000 денари.

На 14 јули годинава, Г.С., спротивно на Законот за шуми, му дозволил на П.Л. од Кичево да исече огревно дабово дрво и со тоа да стекне материјална корист од 8.217 денари. Иако знаел дека П.Л. не доставил комплетна документација, Г.С. изготвил одобрение за сеча на дрво на катастарската парцела во месноста Белица заведена во имотен лист како култура-нива за која не е потребен геодетски елаборат. Потоа во соседната катастарска парцела за која е потребен геодетски елаборат, жигосал дабови стебла во количина од 10 метри кубни со што на физичкото лице од Кичево, кое не доставило таков елаборат, му овозможил противправна сеча на дрвна маса и нелегална имотна корист.

Би можело да ве интересира

МВР: Уапсени се две лица, одземено е товарно возило, запленета е стоката

МВР: На социјалните мрежи се појавија лажни објави за телефони, апелираме да не кликнувате на такви објави

За 48 часа МВР „подели“ 1.293 казни на возачи и пешаци

Во акција на МВР и АНБ: Запленето електронски докази, оружје и куршуми

Нападнат полицаец на Водно

AA: ВМРО предлага вработувања во полицијата “без оглас” и “без правична застапеност”, ВЛЕН ги брани