Сопственик на угостителски објект од струшкото село Велешта доби кривична пријава, бидејќи не ги почитивал одредбите за органичено работно време на угостителските објекти, информираа од СВР Охрид.
Како што соопштуваат оттаму, полициски службеници и претставници од Државниот пазарен инспекторат при контрола извршена на 25 декември минатата година во 22 часот, во угостителскиот објект на 58-годишниот Л.Ѓ. констатирале присуство на гости, со што тој не ги почитувал тогашните одредби за работа на угостителските објекти до 18 часот, а ги прекршил и останатите безбедносно-хигиенски протоколи за заштита на населението од Ковид-19.