Полициски службеници од Одделение за криминалистички работи Кисела Вода при СВР Скопје ја лишија од слобода 35-годишната В.М. од Охрид затоа што на 2 март годинава во 18.54 часот 24-годишната Е.О. од Скопје пријавила дека во 17.32 часот пријавената поднела електронска апликација за кредит во финансиско друштво од Скопје на подрачје на Кисела Вода, а подоцна направила обид за подигање на пари со туѓа лична карта на починато лице, со што сторила кривично дело „Измама при добивање кредит или друга погодност“ казниво по член 249 од Кривичниот законик, информира МВР.
Лицето е задржано во Полициска станица Кисела Вода и по извршениот разговор, В.М. го признала делото. За настанот е известен јавен обвинител и по целосно документирање на случајот ќе биде поднесен соодветен поднесок.