СВР Скопје до надлежното ОЈО Скопје поднесе кривична пријава против А.Л. (28) од Кочани, поради основано сомнение дека го сторил кривичното дело “неовластено производство и пуштање во промет наркотични дроги, психотропни супстанци и прекурзори“.
Како што соопшти МВР, при реализацијата на сучајот пронајдени се и одземени 670 грама наркотична дрога хероин.
Минатата недела, во средата (24.07.), околу 03,00 часот, во населба Ѓорче Петров на раскрсницата меѓу ул. “Панко Брашнаров“ и “Манчу Матак“ извршено е легитимирање на А.Л. кој бил со возило “Ауди А 6“ со скопски регистарски таблички. Кесата што ја спуштил покрај возилото пред да биде легитимиран со потврда за одземени предмети е одземена од пријавениот и предадена на вештачење при што е утврдено дека станува збор за наркотична дрога хероин со тежина од 670 грама.
Од извршените разговори дознаено е дека А.Л. пред неколку дена во Кочани, од непознато лице од Р. Бугарија купил неутврдени количини наркотична дрога хероин по цена од 1.500 евра. На 23. овој месец, откако претходно договорил купопродажба со лицето А.Н. од Скопје, тој со возилото “Ауди А 6“ дошол во главниот град. А.Л. се сретнал со А.Н. во населбата Ѓорче Петров и се договориле за хероинот А.Н. да му донесе на А.Л. 10 килограми марихуана и да му доплати уште 4.000 евра, по што се раздвоиле, а А.Л. останал да чека покрај возилото од каде е приведен.
Инаку, А.Л. веќе минува во евиденцијата на МВР на РМ за што досега му се поднесени три кривични пријави за сторени кривични дела “затајување“, “фалсификување пари“ и кривично дело по Законот за безбедност во сообраќајот.