Кривичен суд: Граѓаните имаат право да протестираат, но пресудата за сообраќајката кај „Сити мол“ не е правосилна, подлежи на проверки

Од:

Скопскиот кривичен суд реагира откако попладнево на протест се бараше нова пресуда за сообраќајната несреќа кај „Сити мол“, во која животот го загуби 24-годишната Викторија Николова.

Од судот велат дека тие во целост го почитуваат Уставно загарaнтираното право на секој граѓанин за протест и волјата да го искаже своето незадоволсвто. Сепак, како што додаваат, јавноста мора да знае дека, во конкретниот случај, судот изрекол првостепена пресуда која се уште не е правосилна и која ќе подлежи на проверка од повисоките судови во жалбена постапка.

Судот при одмерувањето на казната се водел исклучиво од постоечките Законски одредби кои ги регулираат овие кривични дела, сите отежителни околности поврзани со загубата на млад живот, зачестеноста на конкретните кривични дела како и репресивното и превентивното влијание на пресудата. Но, воедно судот бил должен да ги земе во предвид и олеснителните околности дека се работи за признание на вина од страна на обвинетиот, неговата возраст и околностите под кои е сторено делото, односно колку било прекорачена дозволената брзина на возење и фактот дека обвинетиот во моментот не бил под дејство на алкохол или опијати.

„Заради тоа конкретната пресуда не може да се компарира со други, веќе правосилни пресуди, каде се изречени условни казни или казни од над 7 години“, велат од судот преку допис до медиумите.

Понатаму се додава дека ниту еден загубен човечки живот не може да биде надоместен со каква било судска пресуда, па заради тоа и судот изразува сочуство до семјеството.

„Судот е должен да се води од Законските ограничувања за одмерување на казната. Заради тоа ги повикуваме странките кои се незадоволни од постапката да го искористат своето право на жалба пред Воторстепениот суд каде ќе ги изјават своите гледишта и барања поврзани со пресудата“, се додава во соопштението.

Би можело да ве интересира

Жена загина во судир на борбено возило на Војската на Србија и автомобил

Автобус со фудбалери падна од мост во Бразил, има загинати во страшна несреќа

Загина пешак во сообраќајка во Скопје

Ана Ололовска

Протестантите во Виена бараат укинување на санкциите против Русија

(ВИДЕО) Протест во Софија за заштита на правата на Бугарите во Македонија

Горан Наумовски

Нови протести во Франција против пензиската реформа