Кривичниот совет на Основниот кривичен суд го одби барањето на Жан Митрев за враќање на пасошот со што тој не успеал да отпатува на конгрес во Франкфурт соопштуваат од неговата болница.
– На годинешното издание, доктор Митрев беше поканет како единствен доктор да ја претставува Македонија и регионот, со цел да ја презентира успешната примена на хибридна процедура кај шестмесечен пациент. Експозето на д-р Митрев на тема „Хибридна процедура за затворање на голем мускулен вентрикуларен септален дефект кај 6-месечно новороденче“ е од особена важност заради можноста за примена на методот кај најмали пациенти и истата треба да послужи за едуцирање и пренесување корисни знаења за успешна имплементација на овој метод, се наведува во соопштението од болницата.
Против докотрот Жан митрев во тек е процесот за измама на пациенти. Паралелно со судскиот порцес, болницата објави дека е во завршна фаза од преговрите за продажба со холандскиот фонд „Балкан Алајнс Хелткер“, а дека Митрев ќе остане менаџер.