Ковачевски на средба со Радев: Низ дијалог да дојдеме до решенија кои ги почитуваат европските вредности и достоинството на двата народи

Од:

Преиерот Димитар Ковачевски, придружуван од Артан Груби, прв заменик на претседателот на Владата и министер за политички систем и односи меѓу заедниците, Славица Грковска, вицепремиерка за политики за добро владеење, Бујар Османи, министер за надворешни работи, Фатмир Бесими, министер за финансии, Горан Милевски, министер за локална самоуправа, Бисера Костадиновска Стојчевска, министерка за култура, и Адмирим Алити, министер за информатичко општество и администрација, оствари средба со претседателот на Република Бугарија Румен Радев.

dobivaj vesti na viber

На средбата премиерот Ковачевски му го честиташе на претседателот Радев изборот за претседател на Бугарија и изрази надеж дека со конституирањето на највисоките државни институции после изборите, како и новиот состав на Владата во Скопје претстои период на политичка стабилност во двете земји за постигнување напредок во билатералните односи и во отворањето на заедничката европска перспектива на двете земји.

Премиерот Ковачевски изрази задоволство од резултатите на заедничката седница со Владата на Република Бугарија, со што двете земји започнуваат еден нов процес на соработка со цел да се обезбеди интензивирање и продлабочување на добрососедските односи во многу области.

Ќе се залагаме за дијалог, рече премиерот Ковачевски, со почитување на европските вредности и со почитување на достоинството на македонските граѓани и на граѓаните на Бугарија.

Од резултатите и соработката, низ искрен дијалог истакна премиерот Ковачевски, се очекува да се создадат услови за поместување во процесот на интеграцијата на Северна Македонија во ЕУ, во кој Бугарија и нејзиното искуство од петнаесетгодишното членство во ЕУ може да ја преземе улогата на лидер во поддршката за евроинтеграцијата на Северна Македонија.

Во разговорот беше истакнато дека средбите на високо и највисоко ниво испраќаат силна и јасна порака до јавноста и во таа насока премиерот Ковачевски и претседателот Радев се согласија дека свој придонес во таа насока се очекува и од сите идни средби на највисоко политичко ниво.

Би можело да ве интересира

Влада: Утврдена делегацијата за Стратешкиот дијалог со САД

Катерина Павлова-Николовска

Ковачевски – Столтенберг: Отворени врати за нови членки во НАТО е вредност која треба да се продолжи

А1он

ВМРО-ДПМНЕ: Ковачевски требаше да одговори дали вчера на стадионот во Чаир го прашал Џафери по кого пцуел во Собранието

Доаѓаат тешка зима и ценовни шокови, Ковачевски бара Собранието да не биде блокирано

Кристијан Ландов

Ковачевски: Собранието не е супермаркет каде што некој ќе одлучува кој закон ќе помине кој нема

Катерина Павлова-Николовска

Ковачевски на средба со средношколците

А1он