Ковачевски: Можевме да го спасиме Благојче, побарав одговорност од Сали

Од:

За премиерот Димитар Ковачевски тешката бирократија во Македонија е виновна за смртта на Благојче Илиевски кој ја загуби битката со болеста цистична фиброза затоа што го чекаше лекот „трикафта“.

– Јас сум станат денес најрано откако сум вработен, скоро 23 години. Затоа што за мене е навистина тажен ден, не само за семејството на Благојче Илиевски, туку и за целата земја. Благојче се бореше со оваа ужасна болест и тоа беше херојска битка. Но, неговото тело не издржа. Најверојатно неговата смрт е прерана и можевме да направиме повеќе за да му го продолжиме животот и можевме уште малку да ја одложиме агонијата на неговото заминување. Од информациите кои што го имав од директорите на соодветните клиники, дознав дека има пациенти кои се во навистина тешка состојба на кои и можеби и лекот „трикафта“ веројатно нема целосно да им помогне, сепак тоа не може да го тргне чувството на тага и на гнев дека можевме да направиме нешто повеќе за Благојче.

Но, зошто не направивме повеќе? Зошто толку се одложи се дури и откако ветивме и откако правните и експертските тимвои седнаа заедно да најдат решение. Ќе ви кажам отворено, тоа е поради истите причини од кои нашата земја пати веќе 30 години. Комплицирана и неверојатна бирократија која размислува зошто не може да се направи, а не размислува зошто нештото може да се направи. Граѓаните страдаат. Бирократија сме сите ние и редно време е да се соочиме со тоа. Така функционира нашата држава – рече Ковачевски.

Тој утрово разговарал со министерот за здравство Беким Сали дека оваа ситуација за него е неприфатлива. Разговарал и со директорот на ФЗО и со министерот за финансии.

– Ги замолив, посебно министерот за здравство да ми каже дали може да го продолжи својот мандат. Јас мојата одлука за кадровските прашања ќе ја донесам после тоа. Немам намера низ бирократските лавиринти нешто да чекам туку решив веднаш да се одвојат пари од ФЗО за најкритичните болни од цистична фиброза. УО веднаш ја донесе одлуката. Очекувам лекот да биде достапен брзо и Малмед има обврска веднаш да го регистрира. Бирото за јавни набавки да направи интервентен увоз, не може да се чека бесконечно. Ова е вонредна мерка, јас немам намера да ни умре друг пациент поради невозможна бирократија.

Јас лично сум бил изложен на оваа бирократија двапати во моето семејство и само благодарение на лекрарите сега сме сите дома на број. Но, поради таа бирократија морав да одам да купувам лекови од Швајцарија – додаде премиерот.

Би можело да ве интересира

Преспанскиот договор оспорен во предизборието, анализира грчки Катимерини

Александар Тодески

Ковачевски: СДСМ со граѓанското општество направи многу исчекори, заеднички ќе ја исполниме и целта за членство во ЕУ

Орце Костов

(ВИДЕО) Ковачевски: ЕУ не беше фер, но нема откажување од европската иднина

Катерина Ѓуровски

Ковачевски: Со влез во ЕУ, просечната плата од 1300 евра и 800 евра минимална плата

Катерина Ѓуровски

Ковачевски: Гарантираме 30.000 денари просечна и 20.000 денари минимална пензија во новиот мандат

Катерина Ѓуровски

СДСМ: Коалицијата за европска иднина се проширува, имаме јасен план за европски животен стандард, и просперитетна и развиена држава

Предраг Петровиќ