Костадинов: Јавно и одлучно потврдувам дека нема да присуствувам на следната седница во ЗЕЛС

Од:

Јавно и одлучно потврдувам дека нема да присуствувам на следната седница во ЗЕЛС, што е уште една потврда на мојата одлука околу понатамошното членство во ЗЕЛС. Очигледна е војната против струмичани и Струмица, а се уште нема причини зошто е одбиен проектот од унгарскиот кредит и зошто Институтот за јавно здравје не ги објавува резултатите за водата. Некој свесно ја мати водата за политички поени, реагираше градоначалникот на Струмица, Костадин Костадинов попладнево на својот фејсбук профил за повиците да ја преиспита одлуката за понатамошното учество на Општина Струмица во ЗЕЛС.

Како што напиша, во моментов за него е неважно кој и што кажал од ЗЕЛС и од владините институции, бидејќи многу поважни се следните приоритети што се, пред се, во интерес на граѓаните на Општина Струмица.

– Тие се седнување на маса на експерти од МЗШВ и АД „Водостопанство“ и да си го решат проблемот, Институтот за јавно здравје јавно да ги објави резултатите од водата, решавање и расчистување на ситуацијата со унгарскиот кредит земен на грбот на граѓаните и консолидација и разгледување на можноста за повторно седнување на маса во ЗЕЛС, се наведува во објавата на Костадинов.

Додава дека не може питка вода и пари за граѓаните да бидат помалку приоритетни од членството во ЗЕЛС, зашто ниту ЗЕЛС од првиот до последниот, ниту одредени министри од влада ќе го разубедат да застане против интересот на струмичани.

Би можело да ве интересира

Запленети околу 100 килограми марихуана во Струмица, лишени од слобода три лица

АХВ лажела за водата во Струмица, Костадинов најави кривична пријава

Предраг Петровиќ

Во Македонија има двојно помалку пожарникари од законски пропишаното, нема ниту тренинг центар

Невремето предизвика големи штети во струмичко

Ѓорѓиевски на ГС на ЗЕЛС: Постигнавме видлив напредок, ја зајакнавме улогата на општините

А1он

Во Струмица се урива незаконски поставената урбана опрема и на објекти подигнати на јавни површини

Горан Наумовски