Државната изборна комисија (ДИК) денеска донесе заклучок со коj исправа техничка грешка при објавувањето на резултатите доцна попладнето во четвртокот, а во однос на резултатите од предвремените парламентарни избори.
Според документот, ДИК пресметало дека има дополнителни 1.416 гласачи и дека е зголемен бројот на неважечки ливчиња за 98.
Претседателот на ДИК, Оливер Деркоски, за „А1он“ изјави дека овие бројки нема да влијаат врз изборниот резултат.
ДИК во четвртокот соопшти дека гласале 942.334 гласачи, а од нив 31.466 биле неважечки. Според направената исправка излегува дека бројот на граѓани кои гласале е зголемен за 1.416 од првичната статистика, а бројот на неважечки ливчиња е зголемен за 98.