Конференција за пристапот до здравствена заштита на жените, мајките и децата Роми

Од:

Предизвици со кои се соочуваат жените, мајките и децата Роми во пристапот до превентивната здравствена заштита е темата на денешната конференција што ќе ја одржат здруженијата ЕСЕ, Романо Чачипе, ИЗИР и невладината организација КХАМ.

dobivaj vesti na viber

Според истражувањата на овие граѓански организации, Ромите во земјава се соочуваат со понеповолна здравствена состојба од останатото население. Како што наведуваат здруженијата, новороденечката смртност меѓу Ромите е за 1,5 пати повисока за разлика од македонското население во 2017 година. Во истата година речиси 50 отсто од смртните случаи кај Ромите се случиле пред 65-та година од животот, за разлика од 23 отсто кај останатото население.

Наодите од спроведеното истражување во ромските заедници ги детектираа и клучните проблеми со кои се соочуваат жените Ромки во пристапот до услугите за женското репродуктивно здравје.

-Половина од жените Ромки немаат избрано матичен гинеколог, пред се поради тоа што немаат матичен гинеколог во својата општина, како и поради наплаќањето на услугите од страна на матичните гинеколози. Само 2 отсто од жените Ромки од Шуто Оризари се опфатени со Програмата за скрининг на ракот на грлото на матката на Министерството за здравство, иако овој скрининг е од исклучителна важност за навремено откривање и лекување на овој вид на карцином, соопшти здружението ЕСЕ.

Појаснуваат и дека жените Ромки речиси воопшто не се опфатени со Програмата за скрининг и рано откривање на ракот на дојката, кој претставува најчесто малигно заболување кај женската популација.

-По однос на здравјето на мајките и децата повеќе од половина од жените Ромки не се посетени од страна на патронажна сестра за време на последната бременост. Додека ниту 20% од новородените не се посетени од страна на патронажна сестра во првата година од животот. Сето ова може да има значително влијание врз раниот развој на децата, што дополнително се одразува и на здравјето и на понатамошниот развој на поединците, информира ЕСЕ.

Како што е најавено, по конференцијата ќе следува и јавна дебата на оваа тема на која покрај претставници од граѓански организации, ќе говорат и претставници од Полкилиниката од Шуто Оризари и од Здравствен дом Делчево.

Би можело да ве интересира

Приоритети на Стратегијата за Роми 2022–2030 се долгорочното унапредување на социјалната кохезија и економскиот статус на Ромите

А1он

Меѓународниот ден на Ромите – 8 април, неработен за припадниците на ромската заедница

Ана Ололовска

Истражување: Над 90 отсто од Ромите не поднесуваат жалба на добиено негативно решение поради недоверба во институциите

А1он

ЗПР ги осудува барањата на полицискиот синдикат од Битола и говорот на омраза во медиумите кон Ромите

Ана Ололовска

Ромите се поранливи на кризата предизвикана од COVID-19 што ни ја покажа потребата од активно вклучување на заедницата при заштита од кризни состојби

А1он

ВИДЕО: Меморандуми за соработка за два проекта за поддршка на Ромите во земјава

Ана Ололовска