Конференција „Стабилизирачки ефекти од процесот на евроатлантска интеграција“

Од:

Во Министерството за надворешни работи денеска и утре ќе се одржи меѓународна конференција „Стабилизирачки ефекти од процесот на евроатлантска интеграција: Работиме заедно против хибридните закани“.

На конференцијата ќе учествуваат вицепремиерката и министерка за одбрана Радмила Шекеринска, државниот секретар во МНР Виктор Димовски, националниот координатор за НАТО Стево Пендаровски, како и високи претставници на НАТО, претставници на дипломатскиот кор во земјата, академската заедница и граѓанскиот сектор.

Организатори на конференцијата се Министерството за надворешни работи на Република Македонија и Конзорциумот на партнерството за мир, oдделот на НАТО за справување со новите безбедносни предизвици, во соработка со Евроатлантскиот совет, Воената академија „Генерал Михајло Апостолски“ и Факултетот за безбедност.

Како што соопшти МНР, целта на дводневната конференција e да се согледаат предизвиците и начините за справување со хибридните закани, појавните облици и нивното влијание врз интегративните процеси на земјите од Западен Балкан.

На Конференцијата, покрај експертите од НАТО, предвидено е излагање да има и амбасадорот Антонио Мисироли, помошник на генералниот секретар на НАТО во Одделот за справување со новите безбедносни предизвици.

Би можело да ве интересира

Трамп: Најголем договор досега

САД и ЕУ постигнаа трговски договор

Горан Наумовски

Трамп: САД и ЕУ имаат добри шанси да постигнат трговски договор

Туск: Русија и Кина би можеле да бидат подготвени за конфронтација со Западот веќе во 2027 година

Русите ја подготвуваат јавноста за војна со НАТО

Горан Наумовски

ЕК покрена три нови постапки против Бугарија поради кршење на прописите на ЕУ

А1он