Во организација на Центарот за слобода (ЦИВИЛ) денеска во Скопје ќе се одржи конференција под наслов „Слободни избори за слободно општество“.
На конференцијата се поканети експерти, аналитичари и претставници на граѓанското општество да ги презентираат своите наоди и препораки за изборниот процес, особено во тринеделниот период на официјална предизборна кампања. Целта е да се даде одговор на прашањето: Што претходеше, што треба да се направи и кои се ризиците пред нас, во контекст на локалните избори во Република Македонија?
Конференцијата е дел од проектот Слободни медиуми за слободно општество, поддржано од Федералното министерство за надворешни работи на Сојузна Република Германија.
На конференцијата се поканети и медиуми, НВО, институции, политички партии и заинтересирани граѓанки и граѓани.
ЦИВИЛ го набљудува изборниот процес од почетокот на годината. Мониторингот се спроведува преку долгорочни набљудувачи, како и преку соработничката мрежа од активисти, дописници и граѓански новинари. За набљудување на денот на гласањето, ЦИВИЛ ќе акредитира најмалку 106 набљудувачи.