Претседателот на Србија, Александар Вучиќ, од седиштето на СНС во Белград ги сооопшти првичните резултати од локалните избори.
Избирачките места во Сечње, Неготин и Мионица, каде што денес се одржаа локалните избори на кои се избираат советници на собранијата на овие локални самоуправи, беа отворени утрово во 7:00 часот и затворени во 20:00 часот.
„Имаме резултати од сите 72 избирачки места во Неготин. Резултатите се следни: Листата најдоброто за Неготин – СНС, извојува убедлива победа, со 69,3 проценти. Листата на блокадерите беше втора со 43 индексни поени помалку, 26,8 проценти. Што се однесува до мандатите, вкупно 33 наспроти 12. Третиот и четвртиот добија 1,73 и 2,21“, рече Вучиќ.