Трета конференција „Како до правдата“, посветена на политички мотивираните случаи ќе се одржи денеска во Скопје, во организација на „Комитет за заштита на правата“.
На конференцијата, како што најавуваат организаторите, ќе се обратат пратеникот Павле Богоевски, заменик министерот за правда Оливер Ристевски, како и повеќе реномирани експерти од областа на кривично-правната материја.
Конференцијата има за цел да се дискутира за механизмите како да се овозможи пристап до правда на засегнатите лица преку министерствата и другите органи на државната управа, согласно постојната регулатива и прописи, со проверка и прибирање факти и докази.