Исти сознанија, исти формулации и исти констатации, само гласот на новинарот кој чита и кој е потпишан на текстот се различни. Телевизиите со национални концесии, Канал 5, Алфа и Сител, објавија прилози во кои тврдат дека за сам да ги преслуша прислушкуваните материјали на Заев му требаат три децении. И констатираат дека Заев повторно се обидел да ја изманипулира јавноста. Во исто време, новинарите дошле до истото сознание, или пак адресата каде што се пишувани текстовите е иста? По оваа весела математика, медиумите повторно ја промашија и темата-вистинското прашање е кој прислушувал и колку луѓе неовластено снимале над 20.000 граѓани?
