Делегација од Општина Кочани беше на одбележување на градскиот празник на збратимениот град Крањ, Република Словенија. Овие две збратиме општини ја продлабочуваат соработката на институционално ниво и изнаоѓаат нови форми за заедничко дејствување.
Како што информира локалната самоуправа, активностите за одбележување на празникот на Крањ помогнаа да се воспостават контакти со Градската библиотеката во овој град која е една од најуспешните во Европа, како и да се разговара за реализација на проекти од заеднички и меѓународен карактер.
За догодина, во рамки на одбележувањето на градскиот празник, Кочани доби покана за свое културно претставување во Крањ.