Кочан треба да оди во затвор на 17 јули, судот го одби барањето за одложување на затворската казна

Од:

Барањето на бизнисменот Сеад Кочан за одложување затворската казна денеска беше одбиено од Кривичниот суд во Скопје. Останува одлуката на 17 јули Кочан да започне со издржување на затворската казна која му е изречена за предметот „Труст“.

„Во однос на предметот од обвинителството означен како „Труст“, ја информираме јавноста дека молбата за одлагање на извршувањето на санкцијата е одбиена како неоснована и истата е доставена до странките во постапката“, соопштија од Кривичниот суд.

Сеад Кочан е правосилно осуден на 4 години и 8 месеци затвор во предметот на СЈО „Труст“ за добивање на незаконски тендер од 2011 година распишан од ЕЛЕМ за ископување јаловина и јаглен од рудникот Суводол.

Кривичниот суд првостепено на 20 јули минатата година го осуди Кочан на 6 години казна затвор, но Апелацискиот суд на 11 март годинава ја намали на 4 години и 8 месеци.

Второобвинетиот во „Труст“, Василие Авировиќ син на пратеничката Владанка Авировиќ, доби две години условна казна од Апелација, откако првостепено беше осуден на три години затвор.

Би можело да ве интересира

Дел од измените на Кривичниот законик од утре стапуваат на сила: Што ќе значат за осудените ексфункционери

Александар Тодески

Антикорупциска: Како знае ОЈО дека Иницијативата е беспредметна кога уште не е доставена

Катерина Ѓуровски

Обвинителството и се налути на Антикорупциска заради „Труст“: Иницијативата е беспредметна и непотребна

Катерина Ѓуровски

Судот во Стразбур ќе ја објави одлуката за поништената аболиција на Иванов

Катерина Ѓуровски

(ВИДЕО) Интервју со синот на Катица Јанева: Во пералната и фонтаната ни бараа прислушкувани разговори, мајка ми има што да каже, ќе дојде ден

Кристијан Ландов

Ајро и Бубевски: Сите наводи во кривичната пријава од Државното правобранителство за предметот „Труст“ ги отфрламе како невистинити

А1он