Кривичниот совет на Основниот суд – Скопје 1, го одбил барањето на СЈО за определување притвор на бизнименот Сеад Кочан, дознава Макфакс. Оваа одлука е конечна.
Обвинителите на СЈО Гаврил Бубевски и Артан Ајро, пред судиите на Кривичниот совет утрово ги повторија барањата за определување притвор, за бизнисменот Сеад Кочан, според кои еден од наодите, поради кои не отстапуваат од барањето Кочан да биде притворен е фактот дека „Трансмет“ сè уште добива тендери од државата и тоа е околност која укажува на фактот дека може да го повтори делото. За определената гаранција и мерките за претпазливост за нив тече рокот за жалба.
Фирмите „Трансмет“, „Силекс неметали СТ“ и „Вато ДООЕЛ“ од Студеничани се осомничени во дека со фалсификувана документација добиле тендер од ЕЛЕМ од над 17милиони евра во 2011 година за ископ на јаглен и јаловина од рудникот Суводол. Претставници на овие три фирми се сомничат дека со тоа сториле злоупотреба на постапката за јавен повик.