Кривичниот совет од Организиран криминал и корупција на Основен еден денеска ќе соопшти што одлучиле по жалбите на Катица Јанева.
СЈО ги обжали сите одлуки за неопределување на притвор за 8 осомничени во случајот „Титаник“, кои се товарат за злосторничко здружување, изборни измами, уништување на избирачки материјал и фалсификување на вољата на граѓаните за гласање.
Судот одлучи, наместо за секој притвор поединечно, да се чекаат сите жалби за да може, како што велат експерти за А1он, „сигурна и одбрана судиска тројка“ да ги донесе одлуките.
Доделувањето предмети во Судот е по електронски пат, за да нема местенки. Но претседателот одлучува за годишниот распоред на судиите.
Во негови раце е кој ќе суди кривични а кој прекршочни предмети. Без да се почитува постапката, судијата, кој по барање на Катица Јанева, по една година го укина притворот за Зоран Верушевски, од кривични како награда ги доби прекршочните предмети. Но поради незапазена постапка, предметот е вратен од Врховен.
И не само тој, туку и други судии беа прекомандувани, за што поднесоа желби.Сепак Лидија Неделковска, претседателот на Врховен суд одлучи петте судии кои судеа кривични предмети или организиран криминал во скопскиот кривичен суд да не преминат во одделот за прекршоци како што наложи претседателот на судот Владимир Панчевски. Неделкова им ги уважи приговорите и ги врати на истите позиции.
Т.Ц.