Компанија за развој на недвижности во Централна Европа „ТриГранит Група“ соопшти денеска дека има постигнато договор со својот словенечки партнер „ЕРА Холдинг“ во однос на соработка за изградба и развој на проектот „ЕРА Сити“ во Скопје, кој се наоѓа до Скопски Саем, а чиј сопственикт е „ЕРА Груп“, дел од словенечкиот „ЕРА Холдинг“.
Со ова „ТриГранит Групацијата“ ќе биде пристуна во 10 земји, а договорот опфаќа изградба на проектот, управување со недвижноста и обезбедување на лизинг услуги. Проектот „ЕРА Сити“ треба да вклучува шопинг и забавен центар, канцелариски простор и хотел, се вели понатмау во соопштението.
Торок Арпад, извршен директор на „ТриГранит Девелопмент Корпорејшн“ рече дека неговата компанија има големо искуство во изградба и развој на нови градски центри. Таа има градено такви центри во Будимпешта, Краков, Познањ и други.