Ќе се анализира водата во бунарите, седум дена ќе се мониторира воздухот, ограничено движење на децата во училиштето во Трубарево

Од:

Министерството за животна средина и просторно планирање, во соработка со Институтот за јавно здравје, Кризниот штаб на Владата на РСМ и Државниот инспекторат за животна средина, ја информира јавноста дека се преземени итни мерки за заштита на здравјето на граѓаните поради пожарот што настана во магацинот за електронски отпад во Трубарево.

Согласно препораките од Државниот инспекторат за животна средина, се преземаат следните активности:
• До Институтот за јавно здравје е доставено барање за извршување на анализа на вода од бунари што ги користат домаќинствата во непосредна близина на опожарениот магацин;
• Министерството за животна средина и просторно планирање издаде забрана за пристап и движење на локацијата на пожарот;
• Во наредните 7 дена, акредитирана лабораторија ќе врши 24/7 мониторинг на квалитетот на амбиентниот воздух;
• До Основното општинско училиште „Крум Тошев“ во Трубарево е испратена препорака за ограничување на движењето на учениците на отворен простор сè до стабилизирање на состојбата.

Апелираме до граѓаните внимателно да ги следат официјалните соопштенија и да ги почитуваат насоките од надлежните институции со цел заштита на сопственото здравје и здравјето на нивните најблиски.

Би можело да ве интересира

Нема информација дека зеленчукот и овошјето од Трубарево не треба да се јадат, вели Алиу

Алиу: За два дена над двесте прегледани лица во рамки на скринингот во Трубарево

Почнува дводневен скрининг на населението во Трубарево и околината

Учениците во Трубарево се враќаат на настава со физичко присуство

Катерина Ѓуровски

По пожарот во Трубарево измерени се високи концентрации на честички и тешки метали

Предраг Петровиќ

Притвор од 30 дена за првосомничениот за пожарот во Трубарево, останатите тројца во куќен притвор

Катерина Ѓуровски