Јове Кекеновски, професор, член на ВМРО-ДПМНЕ, потсетува кои се темелните вредности на неговата партија, која е со демохристијанска ориентација.
Еве што напиша Кекеновски:
ДА ЈА ОСВЕЖИМЕ МЕМОРИЈАТА
ВМРО-ДПМНЕ е народна партија со демохристијанска ориентација, која се заснова врз христијанско поимање за човекот и дава етичка основа за одговорна политика…….(Статут на ВМРО ДПМНЕ, член 7).
Ако е веќе така дајте да се постетиме кои се основните постулати на ДЕМОХРИСТИЈАНСКАТА ИДЕЛОГИЈА:
• основните принципи на демохристијанската иделогија налагаат среќата и успехот на поединецот или групата да се бараат во среќата и благосостојбата на останатите припадници на општеството и државата, но и обратно,
• верниот и искрен демохристијанин ја отфрла слепата покорност и потчинетост кон секој облик на власт,
• демохристијанството налага водењето на државната политика да биде засновано на морални критериуми и принципи и почитување на демократските права и слободи на граѓаните,
• личноста (индивидуата) е фундамелнтално социјално битие чија егзистенција не се остварува преку ривалитетот (натпревар) како што е случај кај либералниот капитализам, туку преку активно учество во градењето на добрососедски односи, во создавањето на хармонични семејни односи и активна партиципација во рамките на пошироката заедница,
• вредностите како што се солидарност и моралните начела се посебно нагласени,
• негување на верската традиција и афирмација на дијалогот,
• социјална правда,
• предуслов за постигнување на хармонија во општеството е емпатијата, солидарноста, давање важност на посредичката улога во надминувањето и решавањето на разните видови на конфликтни состојби и др…
ВЕРНИОТ ПРИВРЗАНИК НА ДЕМОХРИСТИЈАНСКАТА ИДЕОЛОГИЈА НЕ СЕ СОГЛАСУВА СО:
• обидите и желбите за воспоставување на систем без систем односно на систем по мерка на политичките елити,
• обидите авторитаризмот и тоталитаризмот да се протуркаат како елитен демократски артикл,
• лаицизмот да се нуди со етикетата на авангардност,
• обидите злоупотребата на државите и партиските функции да се претстават како производ на светските цивилизациски трендови, а сиромаштијата на народот како продукт на идејата за колективно жртвување во името на некакви ,,повисоки” државни интереси.
