Кавадарци се збратими со Буча, градот кој стана светски познат по воените злосторства за кои беа обвинети руските сили откако Украина повторно ја презеде контролата. Градоначалникот Митко Јанчев и заменик-градоначалникот на Буча, Серхи Шепетко, денеска го потпишаа Договорот за соработка.
– Во рамките на посетата, Општина Кавадарци потпиша официјален Договор за збратимување со Општина Буча, Украина. Средбата покрај ова беше искористена и за размена на информации за можностите за понатамошна соработка на различни полиња на делување на општината, како култура, спорт, бизнис и заедничко аплицирање на проекти, помеѓу градоначалниците на двете општини се вели во објавата од Општина Кавадарци.
Руските сили влегоа во Буча кога се обидуваа да напредуваат кон Киев. Украина повторно ја презеде контролата на крајот од март и објави за воените злосторства и пронајдените убиени цивили низ улиците на градот.