Кавадарчанка со тврд предмет ја нападнала мајка си рано изутринава, оваа информација ја потврди доктор Мирослав Нерков од Брзата помош.
– Ние како екипа на Итната медицинска помош заминавме на лице место веднаш по дојавата. Жената имаше повреда на главата, голема исеченица и оток на местото на ударот, дома крв имаше секаде во собата. Ја однесовме во кавадаречката болница, појасни Нерков.
Од СВР Велес го потврдија случајот.
-На 10.9.2024 во 3.30 часот, полициски службеници од Полициската станица Кавадарци ја уапсиле В.Ѓ.М.(32) од Квадарци, постапувајќи по претходна пријава дека со тврд предмет ја нападнала нејзината 60 – годишна мајка. В.Ѓ.М. е задржана во полициска станица, известен бил јавен обвинител и по целосно документирање на случајот против неа ќе биде поднесена соодветна пријава, рекоа од СВР Велес.