Катица Јанева бара изземање на Јово Вангеловски од одлучувањето за Сеад Кочан

Од:

Специјалното јавно обвинителство побара изземеање на претседателот на Врходниот суд, Јово Вангеловски по одлучувањето за барањето на обвинителството на Марко Зврлевски да се укине притворот на Сеад Кочан.

-Денес ова Јавно обвинителсетво поднесе Барање за изземање на претседателот на Врховниот суд. Информираме дека бараме изземање на претседателот на овој Суд бидејќи тој е опфатен во јавно објавените телефонски разговори и тоа во период кога исто така ја извршувал функцијата претседател на Врховниот суд.

Во согласност со препораките на Европскиот суд за човекови права, непристрасноста на судот е една од основните гаранции на правото на правично судење, така што секое сомнение за пристраснот треба да биде отстрането.

СЈО се сомнева во неговата непристрасност поради објавениот разговор помеѓу него кога беше исто претседател на Врховниот суд и поранешниот министер за транспорт и врски Миле Јанакиески во врска со случајот “Глобал“.
Овој разговор ја доведува во прашање непристрасноста на судијата Јово Вангеловски да постапува по ваков вид предмети поради постоење реална опасност од неговата претходна заинтересираност за решавање на предметот во определена насока.

Јово Вангеловски пред една недела се сретна со адвокатот на Сеад Кочан, Никола Додевски и со обвинителот Марко Зврлевски, по што од Јавното обвинителство беше упатено барање до Врховниот суд за поништување на притворот на Марко Зврлевски. СЈО реагираше и вчера дека Специјалното јавно обвинителство според законот е единствено надлежно за предметите од прислушуваите разговори како и тоа дека Марко Зврлевски нема што да бара од Врховниот суд за овој случај. Сепак и покрај тоа, Вангеловски кажа дека Врховниот суд ќе одлучува за барањето на обвинителството на Зврлевски.

Би можело да ве интересира

Поранешни вработени во СЈО бараат извинување од Пендаровски за говорот по повод Илинден

А1он

СЈО замина во историјата, предметите во рацете на Јавното обвинителство за организиран криминал

Ана Ололовска

Фетаи: Новиот закон за ЈО им дава можност на обвинителите да се справат со криминалот

Ана Ололовска

Дескоска: СЈО згасна, но не и предметите кои ги отвори

Ана Ололовска

Ристоска на последниот работен ден на СЈО: Горчлив е вкусот на разделбата и сите неостварени планови

Ана Ололовска

Обвинителство тврди дека на Јанева не и биле ускратени права, иако таа се соблече во знак на протест

Кристијан Ландов