Претседателот на Судски совет, Зоран Караџовски, ја потврди информацијата за оставката на в.д. претседателката на Кривичен суд, Татјана Михајлова која не навела конкретна причина за поднесување на оставката.
– Се додека Советот на седница не ја констатира и прифати неотповикливата оставка, судијката Михајлова ќе продолжи со извршување на нејзините задачи. Во моментов немаме конкретно решение, има неколку опции, именување на нов в.д. претседател, или спроведување на изборот на претседател од веќепостоечките кандидати, но и можност да се распише нов оглас за избор на претседател на Кривичен, вели Караџовски.
Советот денеска состаночел за изнаоѓање решение за настанатата ситуација во Кривичниот суд. Неизвесно е кога ќе биде закажана седницата на Судскиот совет за прифаќање на оставката на Михајлова.