Караџовски: Иритира изјавата на Јанева дека води истраги за судии од Управен суд

Од:

Претседателот на Судскиот совет, Зоран Караџовски во изјава за медиумите кажа дека иритира изјавата на Специјалната јавна обвинителка, Катица Јанева дека СЈО води истраги за судии во Управниот суд, што, како што рече тој, е напад врз судството и е во функција на уривање на целото судство. Тој смета дека изјавите на Јанева во врска со судовите се неетички, нецивилизирани и некултурни.

– За време на едно интервју, Јанева кажа за некои судии дека можеби не се ни луѓе, а да не разговараме за нивниот морал. Тоа е недозволиво за еден обвинител, постои кодекс на судска етика и кодекс на јавнообвинителска етика, рече Караџовски.

Тој кажа дека секој мора да ги почитува законите и дека важи за сите обвинителства и судови во Македонија. Според него, доколку некој го прекршил законот за кривична постапка, треба да одговрара дисциплинси или кривично.

– Она што го добиваме како доверлив материјал не смееме да го даваме во јавност. И јас сум кривичен судија, па не ги давам работите пред вас. Катица Јанева беше прозвана и директно кажа дека притворот на Едмонд Темелко бил незаконит, но траел само час и половина, рече Караџовски.

Според него и поракј тоа што следуваат избори, огласот за избор на претседатели на судовите не може да се искористи во предизборна кампања бидејќи обврска на советот е да објави оглас.

– Доколку не се изберат нови претседатели на судовите до парламентарните избори, според Законот за судови, ќе бидат избрани в. д. претседатели додека не се создадат услови за избор на претседатели, вели Караџовски.

Александар Тодески

Би можело да ве интересира

Управен суд пресуди во полза на Академија зa судии и јавни обвинители, ја поништи одлуката на Антокорупциска

Тошковски: Управниот суд донесе пресуди со кои поништи три незаконски одлуки на Владата

Орце Костов

Судски совет донесе заклучок за продолжување на постапката за избор на двајца членови на Советот

Судски совет донесе одлука за пензионирање на двајца судии

Судски совет ги оспори пред Уставен суд законските измени со кои се стопираше зголемувањето на платите на судиите

Судски совет: Со интервенција во законот директно се влијае врз нормалното функционирање на судовите