Зоран Караџоски, претседател на Судскиот совет не сакаше да одговори на прашањето дали ќе понесе одговорност заедно со членовите на Судскиот совет доколку биде утврдено дека имало злоупотреби на АКМИС системот во Кривичниот суд за распределба на предмети.
-Јас немам коментар на тоа, тоа што сум го мислел да го соопштам за тоа, сум го соопштил и го очекувам извештајот, рече Караџоски.
Овој систем наменет за електронска распределба фрли сомнеж дека предметите не се распределуваат електронски, туку се даваат лично на рака на политички „подобни“ судии. Системот АКМИС е воведен со измените и дополнувањата на судскиот деловник. Изработен е од компанијата „Едусофт“ од Скопје, со финансиска поддршка од УСАИД.