Канческа им се извини на соседите за протестот пред нејзината куќа

Од:

Поранешната министерка за култура, Елизабета Канческа Милевска упати писмо со извинување кон нејзините сограѓани, соседи, роднини и пријатели. Писмото го пренесуваме во целост.

„Сакам јавно да се извинам до моите сограѓани, почитувани комшии, роднини и пријатели за синоќешниот настан кој беше организиран од страна на одредена група и се случи пред и околу мојата семејна куќа во населба Црниче.

Со организацијата на овој настан свесно или несвесно од страна на водачите и учесниците на групата се наруши приватноста пред се, се наруши личниот и семејниот мир на луѓето кои живеат во ова место, на моите комшии, роднини и пријатели и на сите мои сограѓани кои живеат во населбата Црниче.

Почитувам изразување на некој став кој може секој да го искаже и сето тоа е легитимно, но не на овој начин.

Никој не е должен да слуша одредени ставови на одредена група која сака да ги соопшти на некоја друга личност, нарушувајќи ја нивната приватноста и нивниот личен и семеен мир во местото во кое живеат.

Треба да се почитува јавниот простор и да не се злоупотребува приватноста на никој од нас. Постојат места каде се изразуваат одредени ставови, а тоа јавниот простор, преку најразлични форми на изразување и дебата. Треба да ги почитуваме институциите на системот и дебата да се одвива таму.

Доколку сето ова не се почитува од секој од нас, се друго води кон анархија, безредие и незрелост.

Во мојата семејна куќа живеам повеќе од 45 години, на почетокот со моите родители сега и со моето семјство. И потесно и пошироко.

Во овие изминати години поминати заедно во ова прекрасно маало Црниче кое многу го сакам, и во кое маало моето детство е поминато заедно со сите останати кои живеат овде, не поврзуваат само убави моменти и лично и семејно кои се карактеризираат со длабока почит, љубов и искрено пријателство и помагање еден кон друг.

Искрено жалам за тоа што се случи синоќа, од мене лично и од моето семејство сакам уште еднаш да се извинам до сите вас.

Со длабока почит, искрено Елизабета Канческа Милевска“.

Би можело да ве интересира

(ВИДЕО) Серафимовска: Бараме укинување на државната матура за учебната 2019/2020

Ана Ололовска

СДСМ: Мицкоски и ВМРО-ДПМНЕ сакаат да ги земат парите на граѓаните од вториот пензиски фонд, а не сакаат да се откажат од државното финансирање

Ана Ололовска

ВМРО-ДПМНЕ: Додека Заев и неговите послушници танцуваат со коронавирусот, бројот на заболени постојано се зголемува

Ана Ололовска

Мицкоски: Кусогледаноста на власта ја спречува Македонија, Естонија ја решава кризата со пари од вториот пензиски столб, мерка за која апелиравме

Ана Ололовска

(ВИДЕО) Нелоски: Антикризните мерки на Владата се недоречени и рестриктивни, тие не му помагаат на бизнисот

Ана Ололовска

(ВИДЕО) ВМРО-ДПМНЕ: Да се укине матурата за оваа година и да се донесат сет мерки за учениците

Ана Ололовска